可唔可以呢~公司搞返個陸運會呀???好想參加陸運會~好想參加歌唱比賽!!!好想叫學校比返個中五既歌唱比賽我!!!明明我地諗住中五0個年就去參加~點知中五0個年竟然唔搞!!!咩意思呢???比返我呀!!!!比返我應該有既回憶我!!!可唔可以比多次機會我返返去中學0個時~??我一定會好好去享受!!我會盡情咁讀書~盡情去玩~!!我會去爭取的既自由~因為只有0個段時間先可以想講咩就講~想做咩就做~以前返學上堂淨係會訓覺~等小息~等放學~小息會0係走廊度玩~就算著住校服裙~都可以跳上人地度~大家揹住大家周圍跑係咁轉!!!無啦啦扮暈低成班訓哂0係走廊度~0係課室個黑板畫到花哂~小息真係好忙!!!仲要周圍行去人地班借書~得閒既時候會落去打排球~我地打排球永遠唔會入排球場打~因為有個位岩岩好~唔洗周圍走去執波~成日都會有0的人行過就自己入黎同我地打~就咁睇我地打得都算唔差!!我同欣欣或者同呀雞都可以打到一百下唔落地ga~但係一落到場打就唔係好得~因為一0的都唔習慣!!!lunch得閒0係學校食~有時會出去大興街市買餃子食~好味!!食完又打排球~或者坐0係度講笑~有人生日既話會專登行去卓爾居度買蛋糕~0係排球場點蠟燭之後先唱住生日歌咁入去~放學會坐0係小食部出面~傾計~講笑~一係就呃媽媽學校有野做~之後去左時7唱k~我地又會為左等齊人一齊遲到~一齊比人停課~仲要打比家長問我地幾點出門口~不過諗返都覺得好得意~我地幾個企哂0係教員室出面~大家望住大家~落雨永遠都唔鐘意帶姐~係要濕哂返學校先開心~返到去~0的冷衫比雨淋到有種怪味~有次仲比miss捉左去家証室個個都除哂條裙去燙~仲有次~好無聊~所以同豆豆去左D班上物理同化學堂~好好笑~兩個呀sir唔認得我地係邊班因為佢地兩班都有教~之後因為D班0的人太噪~呀sir叫左佢地班主任上黎~D班0的人0係MISS LEUNG上黎途中仲幫我地呢埋叫我地由最前既位搬到最後~叫我地BOO低~結果都係比人捉左落去見訓導~不過從來都無後悔咁做~因為真係好好笑~我地幾個0的工課簿永遠都係最薄或者係新簿~因為我地上堂既時間唔係訓就係寫信~所以本身我應該有好多好多信0係屋企~但係因為我周圍放~依家都仲有一小櫃桶既信~寶貝黎架~!!陸運會最鐘意既係接力~中1到中5班制接力都有去~我最鐘意跑第一棒~因為旁邊既人快過我我會無心機跑~所以我會真係好盡力好用力咁跑~同埋我好奇怪~跑灣路會快過直路~中2同中5我0個班總成績都係全場總冠軍~中二0個時真係好鐘意運動~個排球比賽仲好笑~6個人~得我同欣欣兩個女仔~其他都係男仔~但係根本唔使我地兩個打~基本上我地每人掂到個波兩下倒~就輕鬆拎左個金牌返黎~返學時代真係好開心~就算係幾個女仔鬧交~都好得意~上上下堂會喊~開心既時候~大庭廣眾咁錫錫~...............

依家還可以咁單純嗎??人細個~想像未來既世界好美好~有好多野可以用自己既力量去改變~但係...真係可以??一日比一日清楚好多野我係無能力去改變~做岩定做錯~只要係做左~好多野就會成為定局~成為過去~可能見得多左唔開心既野~聽得多左唔應該聽既野~我發覺世界唔係太美好="=我真係好依賴人~只要係身邊認識既人~我都唔想失去~見住爸爸媽媽一日比一日老~真係好唔開心~人大左~分散左做唔同既野~認識到新既重要既人當然是值得高興的~但要和舊的人分得更開~唔會捨得~雖然知道大家心入面還有大家~但~可唔可以所有重要的人都0係我身邊呢???

前幾日返工既時候都覺得好小朋友脾氣~0係度要同呀思同呀析講句唔好意思~我一開始返工到依家~都有個好怪既脾氣~如果0係我預期既時間突然放唔到工我會發脾氣~會好蚊~會想喊~其實我知咁樣係有問題ga~其實我唔開心~唔係因為呀思無安排我走~或者呀析唔幫我做埋~而係我自己知道我係應該有責任去留底幫手~但係我本身又應該走~我自己都好矛盾!!我真係好多謝你地真係對我好好~見到我咁既樣~你地就算咁忙都叫我放底哂所有野比你地跟~其實我唔係好趕時間~但係我一直都有呢個怪脾氣~我自己之後都勁唔好意思~="=~係我既問題~!!其實再多野做我都唔驚~我會好比心機咁做哂之後放工~哈!!!比客人鬧我都唔會有想喊既感覺~但係因為咁小事就想喊~奇怪左0的啦~我會盡力去改ga/^\好感謝個天~去到邊度都識到一班好好的同事~

迪士尼既煙花真係睇極都唔厭架~去左8次迪士尼~睇左咁多次煙花~但係仍然會有種想喊既衝動~係感動?好幸福既感覺~好多女仔細個既時候都有諗過想做一個公主~但我細個已經知道係呃人既~呢個世界邊有咁幸福既公主~更加唔會諗自己係公主~但反而大個左~好想好想呢個世界真係有公主王子~好想見到個個都好幸福~童畫故事既美好~呢個世界上仲會有嗎?

好想遇到一個十分十分愛我而我又十分十分愛他的人~他可以是很窮困~但我會甘願與他挨生活~他可以樣子不夠美~但他一定是世界上最獨一無二的寶物~即使他不夠體貼~不懂得說話~不愛說笑話~只要我是他心中的目標~我是他的唯一~做每件事都想一想我~這樣就夠了~可能~已經太過分了~可是~總覺得現實中~這個年頭的人要找一個愛別人多於自己的人~十個也可能沒有一個~無論是男是女~我經常想著~如果我是生在古代~有可能生活會比現在更加開心~那時的人沒有電腦沒有任何用電的誤樂~雖然可能很多東西都做不到了~但應該人與人的接觸會更加多~便不會多數時間多活於自己的思想中~前一陣子~一路上都是那些邊行邊打機的人~當中有的是情侶~上車到下車只是對著那機器~沒有看過身旁的人半眼...我真的很不喜歡~我只想跟我愛的人去一些未去過的地方~做一些未做過的事~說一些不會跟別人說的話~制造一些只屬於兩個人的重要回憶~如果我可以遇到那個人...那我一定會是全世界最幸福的人~

   錢錢~返黎啦~我話過要打一大段日記~但係打唔到咁點算啦~?

星期六就返黎香港啦!!錢錢~無見又兩年啦~但係一0的都唔覺得過左兩年~因為兩年前好突別~過得太開心~都過得好唔開心~開心既係....當唔開心既時候身邊有一班咁好咁好既朋友0係身邊陪住我~因為0個段係一段難忘既日子~所以我經常諗返起~又所以兩年前既回憶一0的都唔遙遠~秦國之旅~我相信唔係我一個人既美好回憶~而係我地7個人十分美好的回憶~那5日4夜在我人生入面到現在為止也是最精彩的幾天~同你地一齊~真係好幸福~好安心!!返到香港...即刻唔開心返哂黎~好有壓力既感覺~但你地比到一種支撐既力量我~如果要比喻~可以係"0係一片雪地入面有一團火~我會靠0係團火旁邊~雖然旁邊包圍我既都係冰冷~但靠住0係團火旁邊我仍然感覺到好溫暖~",一0的都唔誇張~0個時既感覺真係咁樣!!!真係好!!你返黎啦!!你走0個一刻~我同欣欣都攬實你係咁大聲喊~唔會唔記得~因為我好少會0係咁多人面前喊到咁!!送走你~好似送走一個好親既親人咁!!依家你返黎啦~我地可以團聚啦~係咪呀?哈~今日收到呢個消息~真係好興奮!!!仲可以0係9月1號一齊去食飯~慶祝我地咁多個識左十年!!!我依家打呢篇日記~我都打都好想喊~真係好好好開心~歡迎你返黎~以後唔准離開我地啦~知唔知呀?

睇幾多次都唔覺悶呀!!

上個星期０係巴士上面見到ｍａｇｇｉｅ～其實佢上左車無幾耐我已經見到佢啦～但有一小段距離～而且真係好耐好耐無見～０個時心諗我叫佢會點呢？所以都唔係好敢叫～哈～到佢落車．．．我都係唔敢叫～我淨係望住佢～佢望到我呀～之後佢好興奮咁～但佢係要落車ｗｏ～佢又要同我講佢改左電話～但又要落車～

之後佢打返比我～同佢傾左陣電話～我先真正諗返起～我做ｔｒｅｎｄｙｌａｎｄ０個時係個咩人～已經太耐啦～已經差唔多忘記哂～只係記得～ｔｒｅｎｄｙｌａｎｄ係我做過咁多工之中最開心～最有自豪感～最有成功感～學得最多野～最令我有責任感～最活潑～最高人工～最低能又係成堆最團結既工～但又係最有錯敗感～最辛苦～最令人容易殘～一堆最多心病既女仔～亦係最多討厭既工～總括黎講～係一份令人又愛又恨既工～